Meine lieben Luckschen!
Widdor neicht sich een Jahr seim Ende zu. Machma gings drunnor un dibbor, allordings nich immor zum Gutn for mei Lucke.
Wenn ich manchma meckre, dann ega zu dem Zwecke, doss mor vorwärts komm. Ich hoffe, doss alle gemeensam anpackn.
Nur so kanns was wern.
Ich wünsche alln, die mit Lucke herzlich verbundn sin, ee scheenes Weihnachtsfest un ee gesundes neies Jahr.
Eier Schuster
|
|
weiter …
|
|
Meine lieben Luckschen!
Neilich rief mich ee ehemalschor Luckschor, der heite in den gebrauchtn Bundesländorn wohnt, an. Er wollte sich im Intornet off dor Stadtseite von Lucke informiern, was es in seinor altn Heimat Neies gibt. Abor als Aktuelles fand er da de Ankündschung, doss bald ee Sommortheator offn Markte spieln werd. Abor dos war schon am 17. Juni. Ee halbes Jahr Ibborhang hat mit aktuell nischt zu tun.
Dos meent nich bloß
Eier Schuster |
|
weiter …
|
|
Meine lieben Luckschen!
Eens muss ich Eich sachn, dos ehemalsche Eiscafe hat sich ganz scheen gemausort. Seit de Bibliothek drinne is, gefällt mor dos Gebäude widdor. Nu ham se oo de Zufohrt gepflastort un de Heckn verschnittn. Do sah vorher nich immor so aus. Velleicht werd oo dor andre Teel des Hauses enor Verjüngungskur unterzochn un sogar de Rückseite widdor ansehnlich.
Dos meent nich bloß
Eier Schuster
|
|
weiter …
|
|
Meine lieben Luckschen!
Ich freie mich ega, wenn ich de Kenger am Elefantn rutschn seh. Es is doch scheen, doss wir so was ham. Veelleicht wisst Ihrsch, den gibt’s schon seit 1973. Ee bisschn in de Johre is or abor o schon gekomm. Deshalb solltn alle offpassn, doss or erhaltn bleibt un unsre Piepl noch veel Spaß mit dem steenernen Vieh ham.
Dos meent nich bloß
Eier Schuster
|
|
weiter …
|
|
Meine lieben Luckschen!
Hättet Ihrs gewusst? Dos is dor ehemalche Eigang vom Weißn Haus. Nee, nich dos von Obama, sonnorn dos in dor Meiseltzor Stroße. Ich muss sachn, hier siehts ziemlich chaotisch aus. Wenn mor mit’m Auto nach Lucke neifährt, wars ringsrum ega schon nich so eiladend, abor langsam wird noch eenor droffgesetzt.
Dos meent nich bloß
Eier Schustor
|
|
weiter …
|
|
|
|
<< Anfang < Vorherige 1 2 Nächste > Ende >>
|
| Ergebnisse 1 - 9 von 12 |
